Aviso para navegantes

Xa que hai aquí destacad@s pilot@s é de recibo que vos avise dunha serie de acontecementos, non vaia ser que non o leades ou o escoitedes e se incremente a inseguridade das estradas galegas, xa de por si ben inseguras.

Seica queren facer dúas modificacións salientables en canto ao tráfico rodado se refire. Por unha banda, no Congreso dos Deputados aprobouse unha vella reivindicación de Bombeiros, condutores de ambulancias e Protección Civil. As luces dos vehículos destes equipos de emerxencia pasarán a ser azuis, no lugar das amarelas da actualidade equiparándose deste xeito a dous seus colegas europeos.

E por outra banda, en dous anos queren facer obrigatorio o uso das luces de cruce durante o día. Ten os seus pros e os seus contras. En plena campaña do cambio climático (a Axenda Setting está provocando que nos asedien estas dúas semanas co tema) non creo que se vexa con bos ollos un aumento do gasto enerxético (haberá de gastarse máis en bombillas e emitirase máis CO2 á atmósfera). Porén, pode que baixen os accidentes de tráfico e, polo tanto, as mortes polo que ao mellor a medida non está mal de todo. Eu, por experiencia persoal, penso que polo menos tiñan que facerlle máis publicidade a que a xente accenda as luces de cruce cando chove porque moitos condutores non o fan e é un verdadeiro perigo.

Sen máis, un saúdo.

Mighelinho

servido por Pontevedra 2 comentarios compártelo