¿Cómo desfrutar das actividades culturais sen deixarse a paga no intento?

Despois de ler unha reportaxe na Revista de Novas Tecnoloxías de Galicia (Código Cero), pareceume interesante facer unha pequena síntese de varias curiosidades das que se fala nel.
A reportaxe trata o tema do caro que é o acceso á cultura en España: o prezo dos libros, CD´s de música, entradas a concertos, ir ao cine, viaxar, etc. Propóñense varias alternativas de baixo ou ningún custo para poder acceder á espectáculos, cultura, etc.
SinDinero, web na que se informa sobre actividades culturais, formativas, educativas… Os prezos son moi reducidos, gratis ou tamén funciona o troque (favor por favor). Este último punto é interesante para aventureiros aos que lles guste viaxar e coñecer xente. Axuda a poñer en contacto a xente de distintos lugares que estén dispostos a intercambiar axuda á hora de viaxar. Desde intercambios de aloxamento ata a posibilidade de traballar unhas cantas horas, a cambio de aloxamento e comida. Club de Hospitalidad, Welcometraveller, Ecosalvia son algunhas das direccións que se linkean.
Yomango, sorprendeume encontrar unha proposta así nunca publicación dirixida á xuventude e patrocinada pola Xunta de Galicia, senon directamente, sí a través da publicidade, xa que a mayor parte dos anuncios son institucionais. O deseño da páxina gustoume moito. Botádelle un ollo ás 10 suxerencias para un estilo de vida YOMANGO. Na revista din literalmente desta web: “web que compre visitar ainda que non se estea de acordo co que alí se conta” “defende un xeito alternativo de adquisición de tanxibles e intanxibles: aquel que fai necesario o uso de chaquetas folgadas e calzado para correr”. [Esta última conclusión do redactor, merecería un post enteiro para analizala. Esa diplomacia e delicadeza que emprega á hora de describir a que se dedica a páxina, ese dominio dos sinónimos (“xeito alternativo de adquisición”)].
Asociación Cultural M.A.L., adícanse a organizar actividades que fomenten a cultura libre e o copyleft. Nesta web informan sobre concertos, sitios onde baixar de balde traballos libres de dereitos, guias sobre cultura libre descargables, libros, etc.
Para rematar o repaso, o célebre BookCrossing, de intercambio de libros deixándoos “abandonados” en recunchos das cidades. Por certo, en Pontevedra non hai libros que “cazar”, sí hai en Ourense, A Coruña e Lugo. O máis interesante da web, ó meu ver, é que se ti rexistras un libro teu e despois o “liberas” nalgún sitio (que indicas na web), podes seguir o seu deambular polo mundo de man en man. [Vou tentar liberar un a nome de Hijos de la Comuna en Pontevedra]
[ana díaz pérez]

servido por Pontevedra 3 comentarios compártelo