Play-Doc busca novos realizadores de curtas
O Play-Doc - Festival Internacional de Documentais de Tui e Avid Technology, abre a convocatoria para participar en ‘Play-Avid.doc’ unha actividade enfocada ao apoio do talento entre os novos realizadores galegos.
O festival tudense chega a súa terceira edición que se celebrará entre o 21 e o 25 de marzo. Pero antes de poder participar neste Play-Doc tedes que mandar o proxecto que gravaríades na cidade de Tui antes do 24 de febreiro. A organización filtraría os cinco mellores proxectos que serían rodados no marco do Maratón Play-Avid.doc. Nesta ligazón vos explican mellor o proceso.
Para máis información, se algún está interesado pode atopar toda a información sobre as bases do concurso, a ficha de inscrición, etc. na propia web do festival.
Con esta actividade, Play-Doc quere dar un paso adiante no seu compromiso de apoio aos novos realizadores, involucrándose esta vez na produción destes proxectos documentais.
PS: Non sei se quedou moi claro, porque enrevesouseme un pouco a cousa mentres a escribía. Por se non quedou, recoméndovos que vaiades ás webs que vos linquei.
Saúde.
