Curtas na rede
Explorar a creatividade de calquera persoa que teña inquedanzas na creación audiovisual e a súa conxugación co novo escaparate que é Internet é o principal obxectivo do concurso Curtas na Rede. Esta iniciativa abre a posibilidade a todas aquelas persoas que queiran presentar unha obra inédita non superior a 5 minutos. A temática poderá xirar en torno a xuventude, inmigración, ambiente e o apartado de visións nosas e alleas, dentro da temática libre. Todas elas estarán en galego, agás nas categorías de inmigración e visións nosas que poderán estar en calquera outra lingua.
A participación establécese segundo a idade da persoa que dirixa a curtametraxe. Deste xeito propóñense tres modalidades de premios tendo en conta as idades: de 15 a 22 anos, de 23 a 50 anos e, de 51 en adiante. Haberá catro premios, de 1.500 euros cada un, distribuídos por cada unha das categorías, sumando un total de 12. Ademais darase un premio do público á curtametraxe e á micoromovie máis votada en Internet. A estes galardóns hai que engadir outro, como novidade deste ano, que é o que se entregará á mellor interpretación masculina e feminina, así como ao mellor bitácora do concurso.
As obras pódense enviar desde hoxe mesmo ata o 15 de setembro de 2007. Os traballos serán avaliados por un xurado composto por varias persoas de recoñecido prestixio no mundo da cultura e do audiovisual, así como membros das entidades organizadoras e patrocinadoras, entre as que destacan o Consorcio Audiovisual de Galicia, a compañía R e Blu:sens. O público poderá votar as obras as través da web do concursoe entregarase un premio de 300 euros entre todos os que desen o seu voto.
marquinhos dijo
unha axuda máis pra facer a nosa curta...
5 Marzo 2007 | 03:17 PM