Canto lle debemos á ditadura de Franco
Tranquilos comuneiros. Non se trata de que cambiara de bando (se é que algunha vez me decantei por algún involucrado nunha guerra), pero isto é o que podía pensar calquera que escoitase as declaracións de Pedro J. Ramírez co galo da recén creada Lei de Memoria Histórica; bueno calquera que non teña idea do que ocorreu no estado español dende que comezou a guerra civil ata que se confirmou a transición varias décadas despois.
Incrible a de perlas que este home soltou por esa boquiña no programa de Jiménez Losantos. Como non na COPE, co presentador do programa e Ansón de escudeiros. Claro, é que así, xaleado por estes fachas calquera non volve alzar o brazo coma nos mellores tempos do caudillo, e sobre todo pra alertar ós españois do perigo dos socialistas...
Xa sei que con estes protagonistas pode non parecer novo nin sorprender, pero é que ultimamente lócense. É demasiado incluso pra eles, porque se empezaron por non condenar a dictadura (e despois quéixanse de que algúns partidos radicais vascos non condenen os atentados) agora xa pasaron a ensalzala...
Tamén poderiamos debatir a cerca da Lei en si, porque eu considéroa descafeinada e insuficiente, xa que non se enxuizan os crimes sucedidos durante o réxime (algo que nos parece do máis normal cando saen casos similares en Sudamérica, África ou nos Balcáns, por exemplo) nin se declaran nulos os xuízos franquistas (igual de habitual nos anteriores exemplos) senón inxustos e ilexítimos. De feito parece que algúns grupos pensan algo semellante, xa que ERC anunciou que vai recorrer a Lei diante dos tribunais internacionais.
Pode ser certo, debates a parte, que como eles din ZP sexa presidente por accidente, pero tanto o PP coma os seus grupos afíns estanse a radicalizar e a alonxarse do que é a realidade dos cidadáns (opinión personal) e estanlle a facilitar a labor ó goberno. Aínda que o tema da guerra civil e a posguerra poida estar medio enterrado (excusa que poñen eles para que non se fale dese período), estas declaracións de Pedro J. son especialmente ferintes.
Déixovos tamén a ligazón ó artigo de elplural.com onde deixan constancia das declaracións, aínda que se poñedes en google o titular que emprega este mismo xornal haberedes encontrar numerosos (44.800 resultados en total) blogs e periódicos de edición dixital onde fan referencia á noticia dunha forma ou outra, ou inclusive, citan literalmente o artigo do propio xornal.
Un saúdo,
marquinhos
marquinhos dijo
o que eu digo, están por lucirse...
http://cesar.lasideas.es/?p=1301
12 Octubre 2007 | 05:11 AM