Bueno, vou retomar unha entrada que escribín pola tarde, pero que uns problemas de "mantemento" en lacoctelera mandaron á merda.
Supoño que a estas alturas todo o mundo veu ou, polo menos, oíu falar do novo spot de Gadis, "Vivamos como galegos!" Parece que acadou un recoñemento moi grande e positivo entre todos os galegos. Só lle teño escoitado falar mal do spot a unha persoa, que dicía que caía nos estereotipos que se nos asignan habitualmente aos galegos. Por se alguén aínda non sabe de que estou falando, póñovolo.
A mín tamén me agradou bastante o anuncio. Se cadra é porque Braveheart é, de sempre, unha das miñas películas preferidas. E recoñezo que eu tamén utilizo o hand-parking e outras tantas cousas como o "bueno".
Pero, do mesmo xeito que acadou tanta sona, agora comezan a relacionalo cun spot arxentino e a dicir que é un burdo plaxio deste. Tamén volo ensino.
É certo. Parécense ben. Sobre todo a parte final do cabalo. Ben é certo, tamén, que se poden escudar en que é unha escena do filme antes mencionado -como ben me dicía está tarde Bertito nunha conversa no msn. Xulgádeo vosoutros mesmos.De todos os xeitos eu creo que están moi ben escollidos os que, algúns, poden interpretar como estereotipos (bueno, que?, vas caer,...), que en ningún pretenden ser ofensivos, nin son ofensivos, como outros sanbenitos que sempre nos colgaron polo mundo adiante (do Padornelo para aló máis que nada) de paletos, burros,...
Outros tamén din que se semella, pola súa idea, a estoutro dunha cervexa canadiense (parece que o chauvinismo non é propio soamente de Francia). No spot polas miñas nocións de inglés (algúns agardo que estean máis preparados do que estou eu, de cara a iniciar a súa veciña aventura americana), queren separarse do que son os EE.UU. É simpatico porque alguén me comentaba hoxe pola tarde, que algunhas persoas do PP querían que se retirase o anuncio de Gadis. Eu non o entendín, pero visto este spotpode ser que no camiño sen retorno que iniciarion os populareshai uns meses cos temas da bandeira, desmembración de España, etc. etc.; a algúns lles pareza que o de Gadis é outra mostra das hordas independentistas que segundo eles asolagan certas partes da súa querida España.
Pero, volvento ao tema propiamente publicitario, houbo algúns internautas que non se quedaron nas similitudes do spot de Gadis co da birra arxentina. Tamén se fixeron na web da axencia que fixo o spot, a coruñesa BAP & CONDE, que sospeitosamente tamén se parece bastante á dunha axencia arxentina.
- Web axencia coruñesa
- Web axencia arxentina
Se BAP & CONDE, a que se supón axencia máis importante de Galicia, ten que copiar doutras axencias do mundo, podemos afirmar que mal lle vai á creatividade galega.
Saúde.
Mighelinho
sen dúbida parécense misteriosamente; pero plaxio ou non, e como xa dixen no blog de dani que falou do spot tamén, con algunhas cousas estou síntome identificado e con outras non. Un pouco recurrente o tema dos tópicos no caso dos galegos, pero non deixa de resultarme simpática a campaña. unha das miñas partes favoritas, ademais das do hand-parking, o bueno e o vas caer, é a pregunta total: fran, que? jajajajaja
Coincido co "futuro americano" en que a pregunta total é iso, unha pregunta "TOTAL"!!!
O tema dos parecidos... non sei , é certo que a idea de fondo, esa de ser algo (galego, canadiense, un mesmo...) está presente en todos os spots q pon Miguelinho, pero dende o meu punto de vista as coincidencias so están en quen as quere ver.
É difícil establecer unha fronteira entre o plaxio e a orixinalidade, qué é o que da un pasiño máis ou onde está o punto de diferencia que fai a algo ter identidade propia (nin vou a ser eu quen o estableza) pero paréceme abusar de desprestixio aos creativos galegos como para pensar que é un plaxio
Ou mesmo haberá quen pense que é abusar de confianza nos creativos para pensar q poidan facer algo novo aqui...
En todo caso, a min gustoume moito a campaña, e a toda a xente que coñezo en Bruxelas, fuxindo dos tópicos, tamén.
Saúdos
Eu penso que eche un anuncio ben xeitoso e con moitas conotacións sobre as costumbres galegas.
Desde o meu punto de vista, a criticada escea do cobalo e unha das mellores tomas do anuncio. Non entendo a xente que critica por criticar, xa que nese momento o anuncio ten mais forza que nunca e o estar enriba do cabalo e co movemento rápido das tomas, gaña moita mais belleza, creando un bonito final.
Ademais, moitos anuncios seméllanse a películas famosas e mesmo uns a os outros. Neste anuncio, a imaxe do cabalo si que consigue facernos lebrar a emblemática película brakehart e inclusive o señor dos anelos. Pero...¿QUE HAI DE MALO??????, ¿acaso non se consegue un final bonito???
Estou farta de leer comentarios dos demais criticando o anuncio sen valoralo como é debido. Deixen de xulgar e disfruten do fermoso que é vivir como galegos!!!!
http://es.youtube.com/watch?v=IGcyZALZ21w
Este montaxe pareceume moi gracioso, recoméndovos que o vexades.
Moito dos vosos comentarios, daqueles que critican o spot, supongo que calarán a boca despois de ver esto.
VIVAMOS COMO GALEGOS!!a moita honrra!!
Vamos a ver. Eu creo que en ningún momento se criticou o anuncio. Polo menos pola miña parte. É máis dixen que, desde un principio, me gustara e que aínda que realmente se inspiran na campaña arxentina ou canadiense, buscaran moi ben os exemplos de como vivimos os galegos.
Eu só me fixen eco de que había xente que o relacionaba con estas outras dúas campañas e que non deixaba de ser curioso o misterioso parecido da web de BAP & Conde coa da axencia arxentina. Eu creo que este sería o caso máis claro, porque tanto a home como a navegación polas dúas páxinas é bastante similar. Claro que, ao mellor, quen sabe, os que copiaron foron os arxentinos.
Uxía, ninguén criticou aquí que se faga unha recreación de Braveheart. Le ben.
Mariña, aínda que como digo non considero que eu critique o anuncio, non entendo porque os que o critican a boca terían que calala vendo a versión que tu puxeche. Basicamente é o mesmo, pero con outra película.
Un saúdo.
de momento ninguén criticou o spot. parece que a todos, en maior ou menor medida, nos gustou. e se alguén non lle gustase tamén o podería dicir por moito que lles pese a estas dúas descoñecidas (e a versión que deixou mariña pouco máis aporta).
de todas formas eu vexo o spot como un guiño, unha "coña" dalgúns tópicos galegos famosos que só pretenden iso, causar empatía/simpatía polo anunciante. non sei se pretende exaltar algún movemento nacionalista ou de pertenza, pero iso non é o que desperta en min (tampouco son dos especialmente "territoriais"). ademais postos a ser tocapelotas (neso son experto xunto con miguelinho) penso que lle podíamos poñer pegas a case a metade dos argumentos que da a vivir como galegos.