O morbo do sangue
Hoxe, por casualidades, que non teñen a máis mínima importancia, tiven a opotunidade de ver o comezo do informativo de Antena 3 Televisión do mediodía. A verdade, é que teño moitas, pero realmente moitas dudas de que o máis importante do día, foran dous asesinatos e un accidente, ocurrido en España. Ademáis de ver un sonriso case cínico na presentadora, que parecía desfrutar contando esas novas.
É certo, que nos últimos tempos, os informativos son un compendio de sangue, malos tratos e morbo pola desgracia, pero realmente, os niveis os que se está chegando non creo que sexan precisamente recomendables. Claro, que quizais o máis perxudicial sexa, as nais como a miña que collen unha paranoia bestial cada vez que miran estas noticias, e despois pensan que a xente vai pola rúa matando o primeiro que miran diante.
Por certo, para encontrar a nova da subida do IPC, sobre todo, dos precios relacionados con productos de consumo, tiven que esperan ata a metade dos titulares, e cun paso fugaz. Claro, noutros tempos isto abriría os informativos. Pero, amigos o sangue da audiencia, e quedarnos coa carteira baleira ó ir a compra parece que carece de importancia. Igual esaxero, pero é que realmente pareceume repugnante o inicio do informativo, tanto polo contido, como polo tratamento.
Un saúdo.
