O sitio onde traballo

Como últimamente somos moitos os que actualizamos pouco na comuna, e o noso segundo aniversario comunal pasou sen pena nin gloria, parece que é un bo momento para que nos poñamos ó día. Desde que puxen as fotos das oficinas de Google, empeceime a atopar con listas como estas: link1, link2 e link3. Creo que esta é unha boa forma de actualizar e actualizarnos, poñendo unha foto e contando algo do que facemos, así que empezo eu.

Ana

Traballo nunha emisora de radio municipal desde fai 11 meses (o 17 de setembro remato o contrato).

Este é a mesa é o ordenador nos que se reproducen salsa, bachatas, reggeaton e demais ritmos latinos durante 23 horas e media ó día. A restante media hora divídese en dous programas informativos de 15 minutos de duración (en realidade é só un programa que sae ás 15.00 h e se repite ás 18.00 h).

Este é o ordenador e os micros secundarios, para cando traballamos os 3 "profesionais radiofónicos" ó mesmo tempo (cousa que non pasa moitas veces, así que normalmente está apagado).

E este outro é o ordenador que teño para conectarme a internet polas mañás e poder buscar as noticias máis frescas e as reportaxes máis actuais ;). Este ordenador é de uso público, por eso cada vez que se apaga borra toda a información que está no disco duro. Apágase con bastante frecuencia e é o culpable de que se me borrara este post duas veces antes de poder publicar.

Este é o bar onde me paso as tardes botando unha man na casa! E faltaríame poñer a mesa de traballo onde me pasei bastantes horas sentada durante o mes de xuño para poder entregar a tempo a miña tesina para o DEA (Diploma de Estudios Avanzados), que presentarei no mes de setembro.

servido por Pontevedra 4 comentarios compártelo